Home / 化妝 / 日女偶像沉迷整容全身上下動刀 躺床一個月成美魔女

日女偶像沉迷整容全身上下動刀 躺床一個月成美魔女

日本女子偶像團體Candye♡Syrup力sell甜美可愛,成員年紀約19、20歲,不過早前其中一位成員MiRichan就受邀上節目《じっくり聞いタロウ~スター近況(秘)報告~》,大方公開整容經歷以及佢嘅真實年紀,令人震驚。

MiRichan喺節目自爆自己已經40歲,仲提到30歲後成日因為不滿自己外表,直至整容令佢改變。MiRichan透露自己喺兩、三年前開始整容,不但割咗雙眼皮,仲做咗縮小鼻翼、縮短人中、M字嘴唇、微針治療、填充法令紋等手術,佢就表示起初整容係因為見到身邊嘅人都因整容而變得更可愛,所以就想嘗試,希望幫助到娛樂圈事業發展更順利,結果愈整愈上癮,仲曾花港幣約21萬喺手臂、背部、腹部和腳等部位進行抽脂手術,抽掉2.3kg脂肪再進行脂肪豐胸手術,以為只要做一次抽脂手術就可以變成不胖體質。

雖然MiRichan本人同好多網民都認為佢未整容前個樣唔差,而且MiRichan都坦言做完抽脂手術之後痛到要躺床一個月,甚至去廁所坐廁板都非常痛,但佢就表示將來可能仲會做埋其他手術。

你可能想看...  夏日底妝就是要「輕零」!法國女生最愛3招避免土石流

你可能想看...  杜絕黑頭粉刺!正確卸妝5步驟

Check Also

5個妝容重點打造日本「日雜妝」

大家看日本時尚、美妝雜誌有留意 ...

發佈留言

發佈留言必須填寫的電子郵件地址不會公開。 必填欄位標示為 *